رئيس مجلس الإدارة
طارق لطفى
رئيس التحرير
أحمد سليمان
محمد رمضان: فيلم "أسد" عمل بـ 100 سنة ضوئية ويحقق نقلة بمشواري الفني
كشف النجم محمد رمضان عن كواليس فيلمه الجديد "أسد"، المقرر عرضه أول أيام عيد الفطر المبارك لعام 2026.
وقال محمد رمضان خلال حلوله ضيفًا على الإعلامية جيهان عبد الله، ببرنامج «أجمد 7» عبر إذاعة «نجوم إف إم»: "فيلم أسد فخور بيه جدًا، منظومة متكاملة لمخرج عالمى محمد دياب، أول مخرج مصري مارفل تنتج ليه ويثقوا فيه، في مشروع ضخم زي مون نايت، ومعايا نجوم كبار في الفيلم، بعد مسلسل جعفر العمدة أخدت قرار إني أهتم بالسينما والخطوات الغنائية خارج المنطقة العربية".
وأضاف محمد رمضان: "ده محتاج وقت ومجهود وطاقة، عشان أقدر أعمل فيلم أبنى عليه مستقبلى السينمائى، وغبت 3 سنوات عن الدراما عشان أقدر أوصل لحته في السينما والموسيقى شبه اللي وصلتله في الدراما، ووصلت لأن السينما ممكن فيلم واحد يبقى بمليون فيلم واحد، والمرجعية بالنسبة ليّ إني أقدم فيلم يعيش لسنوات طويلة قدام".
وتابع محمد رمضان: "هو دا اللى لقيته وفيلم أسد، أنا بعتبره عمل بـ 100 سنة ضوئية، محمد دياب عامل كل حاجة في الفيلم دا، هو عمل تجاري، فني، إنساني، أكشن، وتوزيع الفيلم تم التعامل معاه إنه فيلم أجنبي، هو واخد عدد مرعب في دور العرض، أكتر من الأفلام الأمريكية، وقضية الفيلم دولية وهي العنصرية والعبودية في زمن قديم".
يشار إلى أن فيلم "أسد" بطولة كل من محمد رمضان، واللبنانية رزان جمال، وعلى قاسم، وماجد كدوانى، وإسلام مبارك، وأحمد داش، كامل الباشا، من إخراج محمد دياب، وتأليف شيرين دياب، ومحمد دياب، وخالد دياب.
اترك تعليق